نصائح هامة لكل من يريد تعلم فن التعامل مع الجنس اللطيف
أولا وأخيرا عليك أن تكون سريع البديهة مثلا :
1-اذا مرة قالتلك وحده كيفك ؟؟
قللها مالك شايفتيني مبسوط يعني لازم اقوم ارقص لك لحتى تعرفي إنني مبسوط
2-اذا كنت مارق و في بنت بتمر من قدامك ؟؟
وقف على جنب و عميل حالك عم تركز بنطلونك
3-اذا كنت راكب بالسياره و وقفت بنت ناحك على الإشارة ؟؟
فتاح شباكك وبس البنت تتطلع فيك قدم سيارتك لقدام
4-اذا دقيت رقم و عرفت انك غلطان بالرقم و ردت عليك وحده بنت (( طبعا عيب انك
تقفل بوجهها الخط مالها داعي )) ,, كيف تتصرف ؟؟
قللها : هلا فادي شلونك..
طبعا بتقوول وهي مقهوره: غلطان ..
قلها معليش اخي مشان الله ماتواخذني مشبه بالصوت
5-اذا كنت في محل ودخلت بنت بدها تشتري ؟؟؟
قل (( باخلاق )) للبائع اول شي مشي الحجة وبعدين انا مو مشكله ما وراي شي
انتظر
و بس بدها تطلع قللها: ساعدك خالة
6-اذا كنت معجب ببنت وبدك تفتح معها حديث ؟؟
فورا روح لعندها وقللها معك شي صرافة خمسمية
وإذا كانت هي هبلة وقالتلك إيه قللها:
إيه منيح لأنه قليل ماتلاقي حدى معه صرافة هاليومين
7-اذا كنت حاسس إنه في بنت معجبة فيك و كل شوي بتطلع فيك ؟؟
فورا طللع المسبحة من جيبتك و بللش استغفر ربك و إذا كانت كمان هي هبلة و
بقيت على حالها مالك إلا إنك تشتريلك شي محبس و تلبسه بإيدك
8-اذا شي مرة لقيت بنت عم تنتظر على كبين براق و بدها تحكي تلفون ؟؟
روح لعندها وقللها معقول بنت حلوة متلك تنتظر هيك ، امسكي موبايلي كله إلك
حطي بطاقتك فيه و إحكي على كيفك
9-اذا لقيت بنت بدها تحاسب تكسي و مامعها صرافة ؟؟
روح خود منها المصاري و اصرفلها منك و خود مربح 10 ليرات
10-اذا طلعت ناح بنت حلوة بالباص ؟؟
انتظرها لحتى تنزل من الباص و بعدين الحقها وقللها:
يا آنسة.. يا ترى إنت حاسبتيه لشوفير الباص
11-اذا شفت بنت جمالها خارق و ماقدرت تمر من جنبها بدون ما تحاكيها ؟؟
روح لعندها وقللها: حضرتك لينا
بتقللك لأ.. قللها لأنه بيقولوا في وحدة مجنونة اسمها لينا بتوقف هون
*على فكرة لست مسؤولة عن أي لطشة كندرة أو أي ضربة شنتاية لأنه بيكون هاد
الشي من تنفيذكم الخاطئ يرجى أخذ العلم